AnalizaBota

ANALIZA/ Vaksinat anti-Covid po zhvillohen me ritëm të ngadaltë, ARSYET

Vaksinat ndaj Covid-19, në të gjithë botën po zhvillohen me një ritëm më të ngadaltë sesa ishte planifikuar fillimisht, duke shkaktuar shqetësime dhe protesta.
Në Bruksel, Bashkimi Evropian pranoi dje se kishte një mungesë globale të kapacitetit të prodhimit të vaksinave. Ndërkohë, Komisionerja e Shëndetësisë Stella Kyriakidou dha një deklaratë në lidhje me këtë fakt, ku tha se arsye e vonesës është mungesa e prodhimit global.
“Unë e kuptoj që të gjithë po shohin ritmin e vaksinimit tani. Pengesa për momentin nuk është numri i porosive, por mungesa globale e kapacitetit prodhues. Kjo vlen edhe për Pfizer / BioNTech. BE financoi Pfizer / BioNTech në fillim me 100 milion € për të rritur kapacitetin e saj aktual të prodhimit dhe u angazhua për një total prej 300 milion doza vaksinash,”-ka thënë ajo.
Ndërkohë, sipas një artikulli në nga CNN, vihen në dukje arsyet e vonesave.
1. Kompanitë farmaceutike në praktikë kanë më pak kapacitet prodhues nga sa pritej fillimisht.
2. Miratimi i disa vaksinave është vonuar.
3. Ndoshta, planifikimi fillestar i qeverive ishte shumë ambicioz.
Sakaq, sipas statistikave, 4.2  amerikanë kanë mbaruar vaksinimin të shtunën. Numri është më i lartë se ai i Bashkimit Evropian, por shumë më i ulët se qëllimi i administratës Trump për të vaksinuar 20 milion njerëz deri në fund të vitit 2020.
Në Gjermani, mjekët u ankuan se stafi i spitalit nuk i dha përparësi vaksinimit. Sidoqoftë, sipas Financial Times, Gjermania po ecën shumë më mirë se Franca.
Deri në fund të muajit, 130,000 njerëz janë vaksinuar në Gjermani, ndërsa në Francë vetëm disa mijëra. Në Britaninë e Madhe, numri i vaksinave deri në fund të vitit ishte 945,000 dhe në Kinë 4,5 milion.
Ndërsa në Rusi, më shumë se 800,000 njerëz janë vaksinuar deri më tani me vaksinën Ruse Sputnik. Aktualisht, historia e suksesit të vaksinimeve është Izraeli, i cili ka arritur të vaksinojë më shumë se një milion njerëz, ose 10% të popullsisë së tij.

Artikuj te ngjajshem

Shkruaj nje koment

Back to top button