Uncategorized

Kanabis nga Shqipëria drejt Italisë, arrestohet 28-vjeçari nga Tirana, ishte shpallur në kërkim ndërkombëtar

Kjo pasi i riu akuzohej për trafik të lëndëve narkotike, pasi mes viteve 2017-2018, në bashkëpunim me persona të tjerë, kishte ‘kaluar’ për në Piza një sasi të madhe kanabisi.

TIRANË– Policia e Shtetit ka prangosur 28-vjeçarin, Arben Kojku, i cili ishte shpallur në kërkim ndërkombëtar, pasi Gjykata e Livornos kishte lëshuar një urdhër-arresti ndaj tij. Kjo pasi i riu akuzohej për trafik të lëndëve narkotike, pasi mes viteve 2017-2018, në bashkëpunim me persona të tjerë, kishte ‘kaluar’ për në Piza një sasi të madhe kanabisi. 

NJOFTIMI I PLOTË:

Tiranë

Vijojnë operacionet e njëpasnjëshme për kapjen e personave të shpallur në kërkim kombëtar e ndërkombëtar. Vihet në pranga një shtetas në kërkim ndërkombëtar, me qëllim ekstradimi drejt Italisë. Operacioni nga Sektori i Forcës së Posaçme të Operacioneve Speciale dhe Kërkimit në DVP Tiranë, në bashkëpunim me Seksionin për Hetimin e Narkotikëve dhe Interpol Tirana.

Në vijim të punës për kapjen e personave të shpallur në kërkim kombëtar e ndërkombëtar, strukturat e Drejtorisë Vendore të Policisë Tiranë, si rezultat i shkëmbimit të vazhdueshëm të informacioneve me ZQK Interpol Tirana bënë të mundur lokalizimin në rrugën “Muhamet Deliu”  dhe arrestimin provizor të shtetasit të shpallur në kërkim ndërkombëtar  A. K., 28, vjeç, banues në Tiranë.

Ky shtetas ishte shpallur në kërkim ndërkombëtar  pasi Gjykata e Livornos, Itali,  ka lëshuar urdhër arresti për veprën penale “Trafikim i lëndëve narkotike”, parashikuar nga Kodi Penal italian. Ky shtetas në periudhën kohore 2017-2018, në bashkëpunim me shtetas të tjerë ka trafikuar për në Piza, Itali ,një sasi të madhe hashashi. Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.

Artikuj te ngjajshem

Shkruaj nje koment

Back to top button