Aktualitet

“Menduam se ishte tërmet”! Flet një nga të lënduarit e shpërthimit në Ferizaj, rrëfen momentet e para të tmerrit

Nga shpërthimi që ka ndodhur në një qendër tregtare në qytetin e Ferizajt, numri i të lënduarve ka shkuar në 44 deri më tani.

Njëri nga të lënduarit, duke folur për një televizion lokal, ka thënë se në fillim kanë menduar se ishte tërmet, kur e kanë dëgjuar shpërthimin.

Ai, identiteti i të cilit nuk dihet, tha se janë përpjekur që tu ndihmojnë personave të lënduar që të dalin nga lokali, ku edhe ata vet ishin mysafirë.

“E kemi ni një eksplodim, kemi menduar që është ndonjë tërmet, apo diçka e tillë. Fillimisht kur e kemi dëgjuar shpërthimin kemi menduar ashtu, pastaj është dashur t’i nxjerrim njerëzit jashtë, tu ndihmojmë”, tha ai.

Nga shpërthimi i një bombole të gazit që ndodhi sot pasdite në një lokal në Ferizaj, numri i të lënduarve ka arritur në 44.

Kështu ka bërë të ditur Major Qazim Reka nga Policia e Kosovës.

“Numri i të lënduarve nga shpërthimi i bombolës së gazit ka arritur në 44, në mesin e tyre janë edhe dy të mitur”, ka thënë Reka.

Ai ka shtuar se nga 44 të lënduar 12 prej tyre janë dërguar për në QKUK.

Artikuj te ngjajshem

Shkruaj nje koment

Back to top button