Aktualitet

Përmbytjet në Shkodër/ Situata ende problematike në zonën e Obotit niveli i ujit në rrugë arrin 35 cm

Bëhet e ditur se Shtabi i Emergjencave Civile në Bashkinë e Shkodrës, ka njoftuar, se edhe pse reshjet nuk kanë qenë masivë, ka pasuar një përmbytur të disa hektarë toke, nga të cilat një pjesë e sipërfaqeve të kultivuara.

SHKODËR-Situata e përmbytjeve në Shkodër vijon të jetë problematike. Sipas njoftimit në të autortiteteve, është raportuar se deri më tani  748 hektarë tokë janë përmbytur.

Hidrometri në Dajç në orën 08.30, shënon kuotën 5.75m.(Kuota max 6.30 m). Në krahasim me raportimin e ditës së djeshme kemi rritje të nivelit të ujit me 25 cm.

Po ashtu, Hidrometri i Liqenit të Shkodrës në orën 08.30, shënoi kuotën 8.18 m.(Kuota max 8.70 m), ku në krahasim me raportimin e ditës së djeshme ka një rritje të nivelit të ujit me 18 cm.

Bëhet e ditur se Shtabi i Emergjencave Civile në Bashkinë e Shkodrës, ka njoftuar, se edhe pse reshjet nuk kanë qenë masivë, ka pasuar një përmbytje të disa hektarë toke, nga të cilat një pjesë e sipërfaqeve të kultivuara.

Por, situata më e rëndë është në zonën e  Obotit, ku niveli i ujit mbi rrugë arrin në rreth 35 cm dhe është e pa kalueshme me mjete te ulëta. Po ashtu, në Obot, për shkak të përmbytjeve ujësjellësi i Oblikës është jashtë funksionit.

Gjendja paraqitet problematike dhe për disa familjar në zona që janë në vijën e rrezikut, të cilët kanë kërkuar ndihmë për ushqime dhe për bagëtitë.

Njoftimi i plotë: 

Situata e përmbytjeve në territorin e Bashkise Shkodër, data 24.01.2021, ora 08.30
Nga monitorimi periodik në terren ditën e sotme datë 24.01.2021,ora 08.30, situata e përmbytjeve në terren vazhdon të jetë si më poshtë:
• Hidrometri në Dajç në orën 08.30, shënon kuotën 5.75m.(Kuota max 6.30 m).Në krahasim me raportimin e ditës së djeshme kemi rritje të nivelit të ujit me 25 cm.
• Hidrometri i Liqenit të Shkodrës në orën 08.30,shënon kuotën 8.18 m.(Kuota max 8.70 m). Në krahasim me raportimin e ditës së djeshme kemi rritje të nivelit të ujit me 18 cm.
• Hidrometri i lumit Drin në orën 08.30,shënon kuotën 6.40m. (Kuota max 7.50 m).Në krahasim me raportimin e ditës së djeshme kemi rritje të nivelit të ujit me 15 cm.
• Kemi shtim të prurjeve të Lumit Kir.
Bashkia Shkodër
Siperfaqe totale e përmbytur 748 Ha
1. Tokë e pakultivuar 198 Ha
2. Foragjere të dyta, jonxhe 535 Ha
3. Grurë 15 Ha
Nj.A. Ana e Malit
1. Tek Rruga e Obotit, niveli i ujit mbi rrugë arrin rreth 35 cm, është e pa kalueshme me mjete te ulëta.
2. Ujësjellësi Oblika 1,si pasojë e përmbytjeve është jasht funksionit.
3. Sipërfaqja e tokës bujqësore e përmbytur vlerësohet në 480Ha, kryesisht në fshatrat Obot, Muriqan,Oblikë
• Tokë e pakultivuar 95 Ha
• Foragjere të dyta, jonxhe 380 Ha
• Grurë 5 Ha
Nj.A Dajç
1.Sipërfaqja e tokës bujqësore e përmbytur vlerësohet në 260 Ha, kryesisht në zonën e quajtur “Këneta e Dajçit” (fshatratMushan,Shirq,Suka-Dajç), nga të cilat :
• Tokë e pakultivuar 100 Ha
• Foragjere të dyta, jonxhe 150Ha
• Grurë 10 Ha
Nj. A. Guri i Zi
Vazhdon gerryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
Nj.A.Rrethina
Sipërfaqja e tokës bujqësore e përmbytur vlerësohet në 8 Ha, në fshati Zues (tokat në fushen e Oblikës)
• Tokë e pakultivuar 3 Ha
• Foragjere të dyta, jonxhe 5 Ha
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “Përroit të kufirit” Muriqan në Nj.A Ana e Malit.
-Kërkohert mbeshtetje me baze ushqimore për gjënë e gjallë ( koncentrat) përNJ. A. Ana e Malit dhe Dajç, sipas kërkesës të bërë nga Bashkia Shkodër me nr.689 prot, datë.14.01.2021.

Artikuj te ngjajshem

Shkruaj nje koment

Back to top button