Aktualitet

Që prej 1 Janarit të zhdukura, Prokuroria nis hetimet për vajzat e mitura

Prokuroria ka nisur hetimet për zhdukjen e dy vajzave të mitura që janë zhdukur që prej datës 1 Janar në Tiranë. Pas depozitimit të kallëzimit të prindërve, materialet janë referuar në organin e akuzës dhe aktualisht po verifikohen kontaktet e vajzave në ditët e fundit, si dhe si dhe janë kërkuar tabulatet telefonike të tyre.

Vajzat, shoqe me njëra tjetrën u zhdukën pa lënë gjurmë në natën e ndërrimit të viteve pasi fikën celularët. Familjarët dhe Policia nuk kanë asnjë gjurmë ende nga ato, të cilat kishin thënë në familjet respektive se do të shkonin te shtëpia e njëra tjetrës për të festuar vitin e ri.

Burime bëjnë me dije se vajzat kanë marrë me vete kartat e identitetit dhe një sasi parash, e cila nuk dihet ende saktësisht.

Mësohet se janë njoftuar të gjitha drejtoritë rajonale ku janë dërguar të dhënat e vajzave, emrat, përshkrimet fizike dhe fotografitë pasi qëndron mundësia të jenë larguar nga Tirana. Sa i takon mundësisë që ato janë larguar nga Shqipëria, burimet bëjnë me dije se shanset janë të pakta, pasi kjo duhet të bëhej në mënyrë ilegale, duke marrë parasysh dhe moshën e tyre.

Policia ka qenë tepër e rezervuar në dhënien e informacioneve, por edhe familjarët kanë preferuar që ti zhvillojnë kërkimet duke bashkëpunuar me policinë dhe që të mos bëjnë apele publike për gjetjen e 2 të miturave. Policia e Shtetit dhe strukturat e saj vijojnë pandërprerje kërkimet duke përdorur çdo pistë të mundshme që do ti dërgonte tek gjetja e vajzave, por që derimë tani kanë rezultuar të jenë pa sukses.

Artikuj te ngjajshem

Shkruaj nje koment

Back to top button