Aktualitet

Rrahu të shoqen, zyrtari i policisë vihet në pranga

Një zyrtar policie në Kosovë është arrestuar pasi akuzohet se ka ushtruar dhunë fizike ndaj të shoqes. Sipas autoriteteve në Kosovë ai është pezulluar nga detyra ndërsa i është caktuar masa e e ndalimit për 48 orë, shkruan Gazeta Express.

“Inspektorati Policor i Kosovës (IPK) respektivisht hetuesit e Departamentit të Hetimeve të IPK-së kanë arrestuar një zyrtar policor me dyshimin se i njëjtit ka kryer veprën penale “dhunë në familje”. IPK ka pranuar mbrëmë informacione nga Policia e Kosovës lidhur me dyshimin së një zyrtar policor në Prishtinë ka kryer veprën penale dhunë në familje.

Menjëherë pas pranimit të informacionit hetuesit e IPK-së i janë përgjigjur thirrjes duke intervistuar viktimën e këtij rasti – bashkëshorten e tij. Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë.

Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar. Hetuesit e IPK-së  në koordinim të plotë me Prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast”, thuhet ndër të tjera në njoftimin e uniformave blu në Kosovë.

Artikuj te ngjajshem

Shkruaj nje koment

Back to top button