AktualitetPolitike

Edhe 2 ditë nga NDRYSHIMI/ Vangjel Tavo: Votoni masivisht të lirë dhe së bashku do ndërtojmë një të ardhme më të mirë për qarkun tonë(VIDEO)

Kryesuesi i listës së Partisë Lëvizja Socialiste për Integrim, Vangjel Tavo, përmes një postimi në Facebook, iu bën thirrje të gjithë banorëve të qarkut të Gjirokastrës duke u shprehur: ”Votoni masivisht të lirë dhe së bashku do të ndërtojmë një të ardhme të mirë për qarkun tonë’‘. Ndër të tjera Tavo thekson se: ‘‘Do vazhdoj të jem zëri dhe përfaqësuesi i socialistëve të thjeshtë, të ndershëm dhe të vërtetë, të cilët “Rilindja” i la në baltë dhe i turpëroi”.

Postimi i plotë:

Edhe 2️⃣ ditë nga NDRYSHIMI

Fjala e dhënë nga Vangjel Tavo është fjalë e mbajtur.

Asnjë i papunë në familjet e qarkut të Gjirokastrës.

Rikthim të të gjitha institucioneve dhe drejtorive që “Rilindja” largoi nga Gjirokastra.

Mbështetje për studentët me karta studenti, hapje programi të Masterit Shkencor në Universitetin e Gjirokastrës, dhe stimulimin për hapjen e degëve të tjera.

Krijim mundësish dhe hapësirash për rininë.

Zbatim i programit “Mëso dhe Fito” për të rinjtë të cilët mund të kenë pavarësi ekonomike teksa studiojnë.

Punësim i mirëpaguar dhe mbështetje për forcimin ekonomik të gruas dhe ndaj atyre në sipërmarrje.

Mbështetje për biznesin, pa penalizime dhe kontrolle diktatoriale qeveritare por të trajtuar si partnerë dhe jo armiq e mjet shfrytëzimi. Në krah për t’i ndihmuar e jo për t’i gjobitur.

Mbështetje për sektorin e turizmit dhe përfitim në favor të banorëve të vlerave të rralla dhe të pashfrytëzuara të Gjirokastrës dhe qarkut.

Mbështetje për bujqësinë dhe blegtorinë.

Mbështetje për familjet e varfëra.

Rritje e pensioneve, rritje pagash për mësuesit, mjekët dhe infermierët.

Asnjë punonjës i administratës publike apo i Policisë së Shtetit nuk largohet nga puna, por vetëm ata që u kanë bërë presione për votën dhe zyrtarë të përdorur për vepra të paligjshme nga “Rilindja.”

Frenim të shpopullimit të qarkut.

Frenim të varfërisë duke këmbëngulur për të shfarosur fenomenin e ushqimeve me lista.

Rikthim të shpresës dhe krenarisë së qarkut tonë duke i kthyer dinjitetin si Zemra e Jugut të Shqipërisë.

Dhe së fundmi, unë, Vangjel Tavo, do vazhdoj të jem zëri dhe përfaqësuesi i socialistëve të thjeshtë, të ndershëm dhe të vërtetë, të cilët “Rilindja” i la në baltë dhe i turpëroi.

Ky është premtimi im, platforma ime pas 25 prillit, të cilën do e përmbush pikë për pikë.

Votoni masivisht të lirë dhe së bashku do ndërtojmë një të ardhme më të mirë për qarkun tonë.

Vangjel Tavo

https://fb.watch/52fydHMRx9/

Artikuj te ngjajshem

Shkruaj nje koment

Back to top button