Aktualitet

Emrat/ Pajiste me dokumente false të huajt, ja kush janë 3 personat e arrestuar në Tiranë

Zbulohen emrat e tre personave që ranë në pranga në Tiranë, në kuadër të operacionit të koduar ‘Visa’, midis të cilëve edhe një grua e moshës 39 vjeç.

Diamanta Çakmak, Emir Altug dhe Argent Disha janë tre personat e përfshirë në një skemë të falsifikimit të dokumenteve të identifikimit, ku organizatore ishte 39 vjeçarja (Diamanta Çakmak).

Kjo e fundit e cila kamuflohej pas një shoqërie tregtare, pajiste me dokumente false shtetas të huaj.

Tiranë – Finalizohet operacioni policor i koduar “Visa”

Operacioni i zhvilluar nga Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Tiranë.

Arrestohen në flagrancë 3 shtetas.

Specialistët e Seksionit për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë zhvilluan dhe finalizuan me sukses operacionin policor të koduar “Visa”, si rezultat i të cilit bënë arrestimin në flagrancë të shtetasve:

D.Ç., 39 vjeçe, E. A., 32 vjeç dhe A. D., 36 vjeç, të tre banues në Tiranë.

Arrestimi i shtetasve të sipërpërmendur u bë pasi shtetasja D. Ç. (e dyshuar si organizatore), nëpërmjet kamuflimit me një aktivitet tjetër tregtar, në bashkëpunim me shtetasit e tjerë, u ka premtuar disa shtetasve të huaj pajisjen e tyre me dokumentacion si viza, leje qëndrimi dhe përfitimin e shtetësisë shqiptare kundrejt shumave të konsiderueshme që varionin nga 1000 deri 1500 euro.

Në cilësinë e provës materiale u sekuestruan një pasportë që i përket një shtetasi të huaj, një vizë e dyshuar e falsifikuar, dy aparate celular dhe dokumente të ndryshme në funksion të aktivitetit kriminal.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprat penale “Falsifikimi i dokumentave”, “Falsifikimi i vulave stampave, formularëve ose vizave”, “Fshehja e të ardhurave” dhe “Shpërdorim detyre”, në ngarkim të 3 shtetasve të lartpërmendur.

Artikuj te ngjajshem

Shkruaj nje koment

Back to top button