Politike

“Vodhën dhe shantazhuan”, Basha: Do e vazhdojmë betejën, nuk do u zhgënjejmë kurrë

Kreu i Partisë Demokratike, Lulzim Basha me anë të një deklarate nga selia e PD-së ka folur për herë të parë pas numërimit të votave të 25 prillit ku doli fitues Partia Socialiste me 74 mandate.

Basha ka thënë se falë fuqisë së popullit do u kthehej demokracia popullit, por sipas tij zgjedhje nuk kishin të bënin me demokracinë.

Sipas tij një regjim i Ramës bëri gjithçka për të ndryshuar garën e ndershëm. Basha është ndalur edhe tek votat e pavlefshme duke thënë se kanë shkaktuar deformim të vullnetit të zgjedhësve.

“Vodhën të dhënat, kërcënuan dhe shantazhuan. Edi Rama ka bashkëpunuar dhe po bashkëpunon me Tom Doshin . Ai kandidoi përfaqësues të krimit në listat e tij.  Por ne u bëmë më të fortë dhe jemi më të vendosur se kurrë kushdo që mendon se do dorëzohemi nuk na njeh mirë. Do e vazhdojmë betejën më të gjithë forcën tonë. Deri në fitore se misioni ynë është më i madh se të gjithë ne. Po u dorëzuam ne Shqipëria s’ka më asnjë mundësi. Dua t’ju falënderoj të gjithë ju. Aleatët tanë, komisionerët, vëzhguesit e numëruesit. Mbi 600 mijë shqiptarë votuan për ne dhe sollën shpresë.  Ju premtoj sot dhe nuk do ju zhgënjejmë kurrë, do luftojmë për ju. Zëri juaj do dëgjohet qartë dhe fortë. Është detyrimi para jush dhe para shqiptarëve. “ tha Basha.

“Beteja vetëm ka filluar. Demokracia do të fitojë.”

Pjesë nga fjalimi i Bashës

Teksa muzgu i kësaj mbrëmjeje po bie, mbi mallet dhe luginat e Shqipërisë një tjetër hije po avitet në zemrat e mendjet e shqiptarëve anembanë vendit.

A është ky muzg i shpresës dhe ëndrrës për ndryshim për Shqipërinë demokratike europiane. Kemi shumë vite që luftojmë për demokracinë u deshëm shumë vite tërrëzojmë rregjimin komunist por ia dolëm.

Edhe këtë muaj ne bëmë betejë për demokracinë. Unë besova se falë fuqisë së mrekullueshme të popullit tonë ti kthenim Shqipërisë demokracinë por nuk mjaftoi, sepse këto zgjedhje nuk kishin të bënin me demokracinë.

Hymë në këtë betejë jo me një kundërshtar politik me një regjim që bëri gjithçka për të shkatërruar gjithçka për të shkatërruar garën e ndershme elektorale. Ndryshuan Kushtëtutën e Kodin Zgjedhor duke thyer të gjitha rregullat.

Dhjetra mijëra vota të pavlefshme, numri më I madh ndonjëherë dy herë më shumë se diferenca mes palëve. Miliona euro të hedhura për të realizuar blerjen më të madhe industriale të votës duke shkaktuar deformimin më të madh të vullnetit të zgjedhësve. Përdorën milionat e koncesioneve të korruptuara, vodhën të dhënat personale të qytetarëve, kërcënuan e shantazhuan votuesit, administratën gazetarët e mediat duke e bërë edhe më të madhe masakrën elektorale.

Edi Rama ka bashkëpunar dhe vazhdon të bashkëpunojë hapur me përfaqësues të krimit si Tom Doshi që ka botën demokratike kundër. Kandidoi përsëri përfaqësues të krimit në listat e tij. Pavërisht kësaj sollëm një demokraci të madhe. Jemi më të vendosur se kurrë. Kushdo që mendon se do të dorëzohemi nuk na njeh mirë. Ne do ta vazhdojmë betejën me gjithë fuqinë tonë. Do të vazhdojmë të luftojmë deri në fitore sepse misioni ynë është më I madh se të gjithë ne.

Artikuj te ngjajshem

Shkruaj nje koment

Back to top button