Bota

Ngjarje horrori, adoleshenti vret me hanxharë 3 bebe dhe dy punonjës në një çerdhe

Një ngjarje horror ka ndodhur sot në Brazil, raportohet se tre fëmijë, një edukatore dhe një punonjëse shëndetësie janë vrarë në një çerdhe. Policia në një deklaratë ka bërë me dije se sulmi ka ndodhur nga një adoleshent 18-vjeç, i cili kishte hyrë i armatosur me një hanxhar dhe sulmoi fëmijët e të rriturit.

Dëshmitarët tregojnë se kanë dëgjuar britma dhe të qarat e fëmijëve, por adoleshenti nuk ishte tërhequr dhe kishte sulmuar disa persona të tjerë, por fatmirësisht nuk ka të tjerë të lënduar.

Tashmë adoleshenti është arrestuar dhe do të merret në pyetje lidhur me motivet që e kanë shtyrë drejt këtij akti të rëndë.

Deri tani është zbuluar një pjesë e dinamikës së ngjarjes dhe mësohet se i riu ka sulmuar fillimisht mësuesit e më pas fëmijët që ishin në një dhomë.

Ngjarje të tilla kanë ndodhur dhe më herët në Brazil, ku në vitin 2011 u vranë 12 fëmijë dhe 22 të tjerë u plagosën rëndë pasi një 22-vjeçar hapi zjarr drejt shkollës.

Artikuj te ngjajshem

Shkruaj nje koment

Back to top button